Тазалыкын тӱнямбал кечыже вашеш 4 апрельыште Россий Федерацийын кажне кундемыштыже, иканаште 200 утла ола ден поселкышто, «10 000 шагов к жизни» всероссийский акций эртен.
Тудын тӱҥ шонымашыже таза илыш дене илаш кумылаҥдымаш лийын.
Ты акцийыш У Торъял районат ушнен. Тудым торжественно почмаш посёлкын Тыныслык площадьыштыже лийын. Акцийын участникше-влак «Мы вместе шагаем за здоровьем!» лозунг дене райрӱдын уремлаж дене ошкыл эртеныт. Мучашлан чыланат ♥ #ПередайСердце флешмобыш ушненыт. Тунам чыланат иквереш шогалын, шӱмым «сӱретленыт».
Л.КАМАЛЕТДИНОВА
