Поро кече, марий калык! Мый тылат чоным почнем. Ойлем марий коклаште палыме айдеме Вячеслав Григорьевич Громов нерген. Тудо кум чапле книгам луктын: «Марийский язык – старший брат латыни», «Сколько родственников у марийцев?», «Истоки марийской лексики». Нине книга-влак марий калыкым нӧлтал колтеныт, могай кӱкшытыштӧ улмынам рашемдаш полшеныт. Тылеч посна тудо эше ик книгам лукташ ямдылен, «Марийский язык в зеркале ностратики» маналтеш. Но шкенжым пеш шучко чер инвалидыш савырен, йолжым пулвуй деч кӱшычрак пӱчкыныт.
Ынде, шкат умыледа, тудым финанс йодыш тургыжландара. Мый ончычат тудлан оксам колтем ыле. Тиде тылзыштат вич тӱжем теҥгем колтышым. Шкемынат пенсием 12 тӱжем теҥге веле. Физиологический процесс–влак организмыштыже огыт чарне. Эмлалташ кажне кечын 1500-1700 теҥге кӱлеш, манеш. Тудым ончаш, пашажым кудалтен, Питер ола гыч ӱдыржӧ толын. Чынжымак пеш неле положенийыште улеш. Инвалидностьым иктаж пел ий гыч пуат. Кӱлыт костыльжат, инвалид коляскыжат, медицине ӱзгаржат, подгузникшат.
А ме палена, тудын книгаже-влак пеш кӱлешан улыт. Айста, пӧръеҥ-влак, тыге кутырен келшена: ик кечын пел литрым огына нал да кажныже иктаж вичшӱдӧ теҥге дене тудлан колтена. Ончыктена, кузе марий калык иктеш ушнен мошта да икте-весылан, поснак тыгай кӱлешан еҥлан, полша.
Мый шкеже Пошкырт кундемыште илем, философий наука кандидат улам. Вячеслав Григорьевич оксам ӱдыржӧ Лада Вячеславовна лӱмеш тудын 8921 915 7137 телефонжо гоч Сбербанк счётыш колташ йодеш.
Седыге, марий калык. Чумыргаш да нелылыкыш логалше сай айдемылан полшаш кӱлеш!
Александр Алексеевич ЯМУРЗИН
Уфа ола
