Марий Элыште Россий президентын саламлымашыжым 4,5 тӱжем утла ветеран налеш.
Кугу Отечественный сарыште сеҥымылан 75 ий темме вашеш регионыштына илыше 4564 ветеран элым вуйлатышын открыткыжым налеш.
Кундемыштына президентын саламлымашыжым налше-влак кокла гыч эн шукыжо тылын труженикше-шамыч улыт – 4339 еҥ. Открыткым тыгак Кугу Отечественный сарын 120 участникше ден инвалидшылан, концлагерьлан тунамсе ийготыш шудымо 39 узникшылан, «Жителю блокадного Ленинграда» знак дене палемдалтше 19 еҥлан да моло ветеранлан кучыктат.
Эн шуко ветеран Йошкар-Олаште ила – 1698 еҥ, эн шагал, 87 ветеран, — Килемар районышто.
М.ИВАНОВА
