Марий Элын Пӱртӱс поянлык, экологий да йырым-йырысе средам аралыме шотышто министерствыжын пресс-службыжын увертарыме почеш, «Экологий» национальный проектын «Чодырам аралымаш» региональный проектше дене келшышын, республикыш 22 единице техникым, шым оборудованийым конденыт. Тышке чодырам патрулироватлыме изи комплекс-влак, ПАЗ автобус, 7 плуг, КамАЗ автомобиль негызеш тягач пурат.
Нуным чодыра пожар ваштареш кучедалме пашаште кучылташ тӱҥалыт. «Экологий» проект кум ий жапыште илышыш шыҥдаралташ тӱҥалеш, сандене «Авиолесоохрана» ведомствын базыже тиде жапыште ятырлан пойдаралтшаш.
С.НОСОВА
