Пошкырт кундемысе Калтаса район Павасола (Бабаево) ялыште Юмыланпуымаш у отым почыныт.
Тидын лӱмешак тушто 10 ноябрьыште шыже кумалтыш эртен. Пошкырт кундемын тӱҥ онаеҥже Геннадий Пастеев шкежак пелештен шоген. Тудлан Дӧртыльӧ, Краснокам районла, Нефтекамск ола гыч карт-влак полшеныт. Отыжо у огыл, тушто кумалтышым акрет годсек эртареныт улмаш. Тидын нерген Павасола ялыште илыше, кандашле ийыш тошкалше Тимирьян Тимирович Биктимиров сайын шарна. Тудын полшымыж денак тошто кумалме вер кушто лиймым рашемден кертыныт. А кумалтышыже тушто 1953 ий гычак лийын огыл.
С.НОСОВА.
Снимкыште: Павасола ял отыш кумалаш лекше-влак.
Фотом почмо соцсеть гыч налме.