Россий Федерацийын Кугыжаныш Думыжо пленар заседанийжын кумшо (пытартыш) лудмашыштыже РФ Паша кодексыш ялыште тыршыше ӱдырамаш-влакын паша кечыштым кӱчыкемдыме шотышто темлыме вашталтышым пеҥгыдемден.
Законын проектше дене келшышын, палемдыме радамыш пурышо ӱдырамаш-влак арняште 36 шагат деч шуко пашам ыштышаш огытыл. Тыгодым пашадар тичмашнек аралалт кодшаш.
Тиде льгото 1990 ий гыч тымарте РСФСР Верховный Советын пунчалже почеш регламентироватлалтын. Ынде ялыште тыршыше ӱдырамаш-влакын паша кечыштым 40 гыч 36 шагат марте кӱчыкемдыме нерген правам федеральный закон дене пеҥгыдемдыме.
М.ИВАНОВА
