Звенигово район Ташнур тӱвыра пӧрт пеленысе «Алан» фольклор ансамбль лишыл кечылаште Карелийыш кая.
Тушто 23-26 октябрьыште «Шуко национальостян Карелийын йӱлаж ден еш поянлыкше» проект почеш «Йӱлам аралыше-влак» фестиваль эртаралтеш.
— Карел мландыште илыше-влаклан Угинде пайрем йӱлам ончыктена да нуным Провой кундем Мушмарий вел мурсем аршаш дене палдарена, — палемдыш «Алан» ансамбль вуйлатыше Алексей Дружинин.
Тиддеч посна мемнан-влак тусо калыкым марла кушташ туныктат.
А.БАЙКОВА