Марий Элын Тазалыкым аралыме министерствыже Российын медицине вузлаж дене тений чеверласыше самырык специалист-влакын шочмо кундемыш пӧртылмыштым изин-кугун вуча. 17 июльышто медицине (фармацевт) вузлам целевой йӧн дене тунем лекше-шамыч дене вашлиймашым эртара. Тушко пашаш налме да целевой ординатурыш тунемаш колтымо радам шотышто йодышлам каҥашаш регионнан медицине организацийлажым вуйлатыше-влакымат ӱжын.
Вашлиймаш Республикысе клинический эмлымверын диагностический корпусыштыжо (Йошкар-Ола, Осипенко урем, 33-шо пӧрт, тел.: 8 (362) 222-114, 222-113) 10 шагатлан лиеш.
М.Иванова.
