Марий аграрный колледжын тунемшыже-влак «Ветеринарий» специальность дене регион кокласе олимпиадыште икымше верым налыныт. Колледжын тунемшыже Надежда Костромина личный первенствыште кокымшо лийын.
Олимпиаде 27-29 мартыште П.Столыпин лӱмеш Ульяновскысо кугыжаныш ялозанлык академийыште эртен. Тушто уш-акылым Юл кундемын 12 регионжо гыч ятыр ӱдыр-рвезе ончыктен. Тунемше-шамыч микробиологий дене заданийым ыштеныт, тӱрлӧ продуктлан ветеринар да санитар экспертизыштым эртареныт.
Снимкыште: Марий аграрный колледжын командыже.
Л.ШАБДАРОВА.