17 майыште «Чуваш да марий – «ик суртын» пошкудо калыкше-влак» темылан пӧлеклалтше регион кӱкшытан шанче-практике конференций Чуваш Республикысе Моргауш район Кугу Сундырь селаште (тӱвыра пӧртыштӧ) да Марий Элысе Курыкмарий район Кулаково селаште (школышто) лиеш.
Тудым В.М.Васильев лӱмеш Йылмым, сылнымутым да историйым шымлыше марий институтын Чуваш кугыжаныш гуманитар науко институт дене пырля икымше гана эртара. Шанче форум Юл кундемыште илыше кок калыкын, марий ден чувашын, келшен илыме историйыштым, озанлык паша ойыртемыштым, йылме, сылнымут, ойпого да тӱвыра кылым шымлымылан пӧлеклалтеш.
А.Байкова
