Россий президент В.Путин 24 апрельыште «Сеҥымаш кече вашеш южо категорий граждан-влаклан окса выплатым ий еда пуымо нерген» 186-шо №-ан пунчалыш кидшым пыштен.
Тудын дене келшышын, Кугу Отечественный сарын инвалидше ден участникше-влаклан 10 тӱжем теҥге кугыт окса выплате тӱлалтеш.
Марий Элыште тыгай выплатым 227 еҥ налеш. Иканаште кок пенсийым (икымшыжым – Россий Пенсий фонд гыч, кокымшыжым – силовой ведомство гыч) налше-влаклан выплатым Пенсий фонд гоч пуат.
Палемдыме выплатым 2019 ий май-июньышто пенсий да моло социальный выплате дене пырля йодмаш деч посна пуат.
М.ИВАНОВА
