Закондымын аралыме саркуралым, тудын ужашыжым, боеприпасым, молым кӧ шкеже сдатла, тудо, законодательстве дене келшышын, уголовно мут кучаш шогалтыме деч утаралтеш. Адакшым оружийым шке кумылын конден пуымылан тӱлымӧ окса кугыт тений 1 апрель гыч кушкын.
Мутлан, ик патронлан 10 теҥге марте, газан ик оружийлан — 600-1400, ик гранатлан — 1200-3000, пистолетлан 4000-6000 теҥге тӱлалтеш.
Оружийым, пудештарен кертше веществам, молым закондымын аралыме нерген уверым Россгвардийын Марий Элысе управленийжын лицензионно-разрешительный паша рӱдерышкыже тыгай телефон дене пуаш лиеш: 45-24-45, 45-73-00, 45-15-12. Тыгодым тургыжланыман огыл — кӧн йыҥгыртымыж нерген увер огеш шаркалалт.
Л.Камалетдинова
