Марий Элым вуйлатыше Россий Федераций президентын кӱштымыжым шуктымо теме дене совещанийым эртарен. Тидын годым терген шогымо пашам виктарен колтымо йодышлам, тыгак ты пашам шуктымо шумлык тенийлан планым каҥашеныт.
Александр Евстифеев тыге палемден: элым вуйлатышын шындыме задачым сайын шуктен толмо пашам республикыште пеш кӱлешанлан шотлат. Кугыжанышым вуйлатышын кӱштымыжым жапыштыже да тӱрыснек шуктымылан поснак кугу тӱткыш ойыралтеш.
Марий Эл Республикым вуйлатышын администрацийжым вуйлатышын алмаштышыже, контрольный управлений начальник Елена Паршина кодшо ийын итогшо почеш 2019 ий 1 январьлан шуктыдымо поручений уке манын увертарен.
Отчетный жапыште Марий Эл Республикым вуйлатышын кӱштымыж дене келшышын, Россий Федераций президентын порученийжым да Россий Федераций правительстве председательын 291 кӱштымашыжым пуртыман 55 переченьым контрольыш налме, нуным кунам шуктышашым рашемден палемдыме. Чыла кӱштымым палемдыме жапыште контроль гыч кораҥдыме.
Совещанийын пашажым иктешлышыжла, Марий Эл Республикым вуйлатыше Александр Евстифеев шындыме задаче-шамычым ончыкыжат жапыштыже шуктен толаш мутланымаште лийше-влакым ӱжын ойлен да нуным кӱлеш семын огыл шуктымылан мутым кучымо нерген шижтарен каласен.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен
Д. Речкинын фотожо
