Марий Элыште полиций ойыртемалтше служебный технике дене пайдаланаш тӱҥалын.
Чынрак каласаш гын, юж кӱпчыкан катерым «Козьмодемьянский» межмуниципальный отделлан пуэныт. Тиде судно дене ынде полицейский-влак Юлышто патрульыш лектын кертыт.
У технике 7 пассажир марте але ик тонн марте грузым наҥгаен кертеш. Тыгак мачтыште камер уло. Тудо судно воктенсе да йыр кумдыкысо сӱретым экраныште ончыкта.
Весат моткочак сай: тиде катер дене полицейский-влак телым веле огыл, идалык мучко пайдаланен кертыт.
Л.Камалетдинова.
