Тений уржа-сорла пагыт ояр игечан ыле, сандене топливылан да шурным кошташ электровийлан роскот эртыше ийласе деч изирак лие. Пырчым гектар еда 17 центнер дене погышна. Тиде мыланна уда огыл лектыш – озанлык кӱлешланат, ужалашат сита. 160 вуй ушкална уло, кажне вуй деч кокла шот дене 5 тӱжем утла литр шӧрым шупшылмо. Самырык вольык кече еда 600 граммлан нелемын.
Мутат уке, ме тиде кӱкшытеш ынена шогал. Мланде яра ынже кий манын, шушаш ийын ӱдымӧ кумдыкым 15 процентлан ешараш, пырчым да кормам утларак ыштен налаш да тидын негызеш шӧр лӱштышым 25 процентлан кугемдаш шонена. Тидлан вийна ситышаш.
Шкенан чыла пашаеҥнам, районысо да республикысе чумыр калыкым У ий дене, у пиал дене саламлем. Таза лийза, пашада ушнен толжо, шонымыда шукталтше!
В.Л.Смоленцев,
«Восход» СПК колхоз председатель.
