— ӱшандара газетнан поро йолташыже, Йошкар-Олаште илыше Геннадий Рыбаков. Кажне эр тудын ик семын тӱҥалеш. Ончыч радио да телевизор гоч игечын могай улмыжым колыштеш да онча, вара уремысе дене таҥастара. Мом шекланымыжым посна тетрадьышкыже сералта. Тыге ынде 31 ий наре.
Тиде жапыште чумырымо материалже негызеш каласен кертеш: кунам эн леве але йӱштӧ теле лийын, могай тудо тений лиеш але У ий кастене мом вучыман… Тенийсе пайрем йӱд мыланна мом ямдылен, тудымат ончыгоч каласен кертеш. Ӧрыктарыше У ий кече-влак тымарте ятыр гана лийыныт. Мутлан, 1994 ий йӱдым лум туге талын шулен, эсогыл чыла вере вӱд шоген. 2002 ийыште поран ӱштын. Пытартыш 40 ийыште У ий кас эн йӱштӧ (-42 градус) 1978 ийыште лийын. А тений Рыбаковын эскерымыж почеш, У ий игече ӧрыктарышаш огыл: пытартыш 39 ийысе кокла температур деч йӱштӧ лийшаш огыл, иктаж -7 градусым вучыман.
С.Носова
