Звенигово оласе ик кевытыште «Дублёр-влак» проект тӱҥалын.
Тушто 4-12 ияш йоча-влак участвоватлат. Нуно кажне рушарнян кевытыш толыт, тушто пашам ыштыме правил-влак, профессий дене палыме лийыт, сатум прилавкылашке йытыран шындылыт, акым ончыктышо кагазым печатлат, кассыште ужалат, калык дене мутланат.
Икымше участник-влаклан проект моткоч келшен, сандене нуно молыланат тушко ушнаш темлат.
М.ИВАНОВА.