Элын историйжым палыман
Марий образований институтышто «Историй просвещений: концепций гыч системе почеш паша марте» стратегический сессий лийын.
Паша вашлиймаште Марий Эл образований да науко министр Лариса Ревуцкая ден «Йошкар-Ола» ола округым вуйлатыше, Россий военный исторический обществын регионысо пӧлкажын председательже Евгений Кузьмин 2026-2027 ийлан Марий Элысе тунемме верлаште историй просвещений концепций денекелшышын «корно картым» приниматлымын кӱлешлыкше нерген ойленыт да кугыжаныш политикым шыҥдарыме шотышто туныктышо-влакын рольыштым палемденыт.
Тиде направлений почеш самырык-влак дене пашам ыштыме кызытсе йӧн дене республикысе Молодёжь комитетын председательжын алмаштышыже Владимир Белоусов, Марий Элын Кугыжаныш архившын директоржо Александр Одинцов да молат каласкаленыт.
Стратегический сессийыште Москвасе кугыжаныш педагогический университетын (МПГУ) Социально-гуманитарный институтшын кугыжанышын теорийже да историйже кафедржын доцентше, Мер проект-влак виктерын вӱдышӧ специалистше Антон Саенко лийын. Тудо туныктышо-влаклан «Без срока давности» проектыш ушнымын кӱлешлыкше нерген палемден, тыгак Кугу Отечественный сар жапыште совет калыкым пытараш тӧчымӧ нерген шарнымашым аралымылан пӧлеклалтше просветитель мероприятийлам эртараш методический материалым шотышто ойлен. Вашлиймаште Антон Саенко Марий образований институтлан МПГУ-што «Без срока давности» проект полшымо дене савыктыме методический пособий-влакым пуэн.
Г.Кожевникова
Фотом Марий образований институтын соцкылысе лаштыкше гыч налме.
