Марий Эл - 100

Марий Эл ден палдара

Чувашийыште илыше-влак Марий кундемын 100 ияш лӱмгечыжлан шкешотан пӧлекым ыштеныт да «Движение в Марий Эл» фильмым ямдыленыт.

Режиссёр Виктор Чугаров шке йолташыже-влак — Леонид Гаранин, Ян Шредер, Александр Пекунькин дене пырля Марий Элыште лийын да мом ужмыжым, пален налмыжым фильмыштыжее ончыктен. Фильм мучко сылне марий сем йоҥга, Йошкар-Ола, Козьмодемьянск олала, Юрино посёлко, марий эҥер, ял, турист маршрут-влак дене палдарыше шуко кадрым пуртымо. Нуно ончышын кумылжым авалтат да Марий кундемыш каен, чылажат шке шинча дене ончалаш кумылаҥдат. Марий Элна кузе вияҥеш, тудын ойыртемалтше еҥже, творческий колективше-влак могай сеҥымашыш шуыт, илем-влак могай сыным налыт, турист-влакым мо дене кумылаҥден кертына … – чылажат 54 минут шуйнышо фильм гыч пален налаш лиеш. Тудым Интернетын соцлаштыклаштыже верешташ лиеш. 

С.НОСОВА

Опубликовать в Одноклассники

Добавить комментарий