УВЕР ЙОГЫН

Сеҥыше — ӱдырамаш участковый!

Марий Элыште «Калык участковый» всероссийский конкурсын регионысо этапшэртен. Республикыште илыше-влак кокла гыч эн шукын, 9000 утла еҥ, шке йӱкыштым Россий МВД-н «Медведевский» межмуниципальный отделын кугурак участковый уполномоченныйже Татьяна Ивановалан пуэныт да тудо сеҥышыш лектын. Саламлена!

Кокымшо верыште – Волжский район гыч участковый Александр Левин. Тудо 7890 йӱкым поген. Кумшо верыште – Козьмодемьянск гыч участковый Кирилл Обухов. Тудын верч 2845 еҥ йӱклен.

Татьяна Иванова внутренний паша органлаште 2011 ий гыч тырша. 2013 ий гыч – полицийын кугурак участковый уполномоченныйже. Шке профессионал пайремже вашеш полицийын капитанже ынде Всероссийский конкурсын финалыштыже элнан эн сай калык участковыйжо лӱм верч таҥасаш тӱҥалеш. Тудлан ме туштат сеҥаш тыланена!

Л.КАМАЛЕТДИНОВА

Добавить комментарий