Элым аралыше-влакын кечыштым палемдыме дене келшышын, пенсийым кондыштарыме графикат вашталтын.
«Кондыштарыме службо» АО Йошкар-Олаште да Медведево районышто илыше пенсионер-шамычлан 21 февральыште налшаш пенсийым 20 февральыште пуа.
«Кондыштарыме службо» ЗАО Волжск олаште да Волжский районышто илыше-шамычлан пенсийым тыгай радам дене намия:
18 февральыште – 18 да 19 февральлан;
19 февральыште – 20 да 21 февральлан;
20 февральыште – 22 февральлан;
Звенигово олаште да Звенигово районышто илыше-влаклан – ончычсо радам денак.
Йошкар-Оласе, Козьмодемьянскысе, Звенигово, Килемар, Кужэҥер, Марий Турек, Медведево, Морко, Оршанке, Параньга, Советский, Шернур, У Торъял да Юрино районлаште оласе почто кыл пӧлка-влак пенсийым тыгай радам пуат:
19 февральыште – 19 да 20 февральлан;
20 февральыште – 21 да 22 февральлан.
Курыкмарий, Марий Турек, Морко, Оршанке, Параньга да Советский районлаште ялысе почто кыл пӧлка-влак пенсийым тыгай радам дене намият:
18 февральыште – 18, 19 да 20 февральлан;
20 февральыште – 21 да 22 февральлан.
Медведево, Килемар да Юрино районлаште ялысе почто кыл пӧлка-шамыч:
18 февральыште – 18, 19 да 20 февральлан;
19 февральыште – 21 февральлан.
Волжский, Шернур, У Торъял да Кужэҥер районлаште ялысе почто кыл пӧлка-влак:
18 февральыште – 17, 18 да 19 февральлан;
20 февральыште – 20 да 21 февральлан.
М.ИВАНОВА