Икшывем йочасадыш налышт манын йодмашым возенам. Но мыланем отказеныт: вер уке манын вашештеныт. Тидын шотышто нуно закон почеш ыштеныт мо?
С.Алексеева.
Медведево посёлко.
Йодышлан Медведево районысо прокурорын алмаштышыже А.А.Пекшеев вашештен:
«Россий Федерацийыште образований нерген» федеральный закон дене келшышын, кугыжаныш але муниципальный образовательный учрежденийыш налаш яра вер уке годым веле отказен кертыт. Тыге лийын гын, икшывын ача-аваже (законный представительже-влак) тудым вес образовательный учрежденийыш колташ манын, образований сферым виктарыше верысе кучем органын подразделенийышкыже але образований сферыште кугыжаныш управлений компетенциян РФ-ын субъектшын испонительный кучемжын органышкыже лектын кертыт.
Закондымын йочасадыш але вес образовательный организацийыш налаш отказымылан, Административный правам пудыртымаш нерген кодекс дене келшышын, административно мут кучаш шогалтен да должностной лицалан 30 гыч 50 тӱжем теҥге марте, юридический лицалан 100 гыч 200 тӱжем теҥге марте штрафым тӱлаш ыштен кертыт.
С.Носова ямдылен.
