Мыйын нерген лӱмынак шоям мыйын нерген каласкалымыжлан пошкудемым мут кучаш шогалтен кертам мо?
А.Завьялов.
Советский район.
Йодышлан Медведево районысо прокурорын кугурак полышкалышыже, юстицийын изирак советникше Л.Р.Давлетшина вашештен:
— Тыгай койышлан мут кучаш шогалташ лиеш. РФ Уголовный кодексын 306-шо статьяж дене келшышын, преступленийым ыштыме нерген лӱмынак шоя уверым шаркалымылан 120 тӱжем теҥге марте, але ик пашадар, але судитлыме еҥын идалыкаш доходшо кугыт штрафым тӱлаш палемдат. Але 480 шагат наре обязательный пашаш, тыгак кок ий марте исправительный пашаш, але кок ий марте виеш ыштыктыме пашаш колтен, але куд тылзе марте арестоватлен, але кок ий марте эрык деч посна коден кертыт.
Еҥым неле але пеш неле престпуленийыште лӱмын титаклыме нерген уверым шаркалымылан 100 тӱжем гыч 300 тӱжем тенге марте але судитлыме еҥын пашадар, але ик ий гыч кок ий марте налме моло доходшо кугыт штрафым тӱлаш пуэн кертыт. Тыгак тидлан кум ий марте пашам виеш ыштыктат але кум ий марте эрык деч посна кодат.
Еҥым неле але пеш неле преступленийыште лӱмын титаклымылан да эше титакым пеҥгыдемдыше доказательствым шке гыч ешарымылан вич ий мрте виеш пашам ышташ колтен але куд ий марте эрык деч посна коден кертыт.
С.Носова ямдылен.
