Маристатын увертарымыж почеш, 2017 ий декабрьыште регионыштына кокла пашадар 31526,9 теҥге лийын да 2016 ий тыгаяк жап дене таҥастарымаште 3,2 процентлан иземын. Январь-декабрьыште 25710,6 теҥге лийын да 2016 ий тыгаяк жап деч 6,5 процентлан кӱзен.
Республикыштына эн кугу пашадарым финанс да страховатлыме пашаште налыт, тушто тылзаш пашадар кокла пашадар деч 2,3 пачаш кугу. Кугыжаныш виктем, военный лӱдыкшыдымылыкым ситарыме, социальный сфер пашаеҥ-влакын – 1,6 пачаш. Эн изи пашадар –административный пашам шуктышо организацийлаште.
15 деч шукырак еҥан изи предпринимательстве субъектлан шотлалтдыме организацийлаште 2017 ий декабрьыште кокла пашадар 34084 теҥге лийын да 2016 ий тыгаяк жап дене таҥастарымаште 2,9 процентлан волен, январь-декабрьыште 27524,1 теҥге лийын да идалыкыште 8,1 процентлан кӱзен.
М.ИВАНОВА.
