11 сентябрь гыч республикысе Эл кӧргӧ паша министерствыште «Калык участковый» всероссийский конкурсын регионысо этапше тӱҥалеш.
Республикыште илыше-влак эн ончычак кажне муниципал образованийыште, а вара республикын эн сай участковыйжым ойырен налыт. Тиде йӱклымаш онлайн йӧн дене эрта. Марий Элыште сеҥышыш лекше республикын чапшым Россий кӱкшытысӧ конкурсышто аралаш тӱҥалеш.
Онлайн-йӱклымашын икымше этапше Марий Элысе МВД-н официальный сайтыштыже (12.мвд.рф) 11 гыч 20 сентябрь марте эрта. «Калык участковый» рубрикыште конкурсант-шамычын анкетышт, профессионал опытышт, шумо кӱкшытышт дене палыме лияш, а вара келшышыжлан йӱклаш лиеш.
Кокымшо этап 7 гыч 16 октябрь марте эрта.
Л.КАМАЛЕТДИНОВА
