26 сентябрьыште Сеҥымашын XXX идалыкше лӱмеш культур полатыште «Шочмо мландын кугу вийже» фестивальын лауреатше-влакын гала-концертышт лиеш.
Январь гыч март марте район ден ола-влакын творческий отчетышт эртен. Тушто кум тӱжем утла самодеятельный артист, кидмастар да фотолюбитель мастарлыкым ончыктен. Концерт программыш 170 тӧнеж гыч 190 утла усталык коллектив, 90 солист ушненыт.
Фестивальым иктешлыме амал дене икмыняр мероприятий эрта. Тудын дене кылдалтше конференций С.Г.Чавайн лӱмеш национальный книгагудышто лиеш. Кидмастар-влакын пашаштым да «Илыш-подвиг» фотовыставкым полатын фойештыже (2-шо пачаш) ужын кертына. А икымше пачашыште Медведево районысо тӱвыра ден каныме паша шотышто рӱдер пеленысе «Любимец публики» образцовый духовой оркестр куандараш тӱҥалеш.
Гала-концерт ден фестивальын лауреатше-влакым саламлымаш кечывал деч вара 14 шагатлан лиеш.
Ушештарена, «Шочмо мландын кугу вийже» фестиваль Кугу Отечественный сарыште сеҥымылан 75 ий да Марий Элын 100 ияш лӱмгечыж вашеш эртаралтеш.
А.БАЙКОВА
