4 июльышто Волжский районысо Сотнур ял шотан илем администрацийын тӱҥалтышыж почеш, Юлсер кундемын чолга еҥже-влак районышто да республикыште веле огыл, тыгак Российыште да эсогыл йот эллаште чапланыше Мӱшыл (Теҥыз шинча) ер кумдыкышто экологический субботникым эртареныт.
Тӱнян кандашымше чудыж семын палыме Мӱшылъерыш турист-влак тӱрлӧ кундем гыч толыт, нуно мланде порволымо йӧн дене шочшо вӱд сер йыр коштын савырнат, келшыше кумдыкым муын, кечыгутлан але эсогыл кок-кум кечылан, арнялан верланат. Да канымышт жапыште сылне вер-шӧрым шӱкаҥдат…
Теҥыз шинча ер кумдыкым лу утла еҥ эрыкташ лектын, да кажныже ик мешак куштырам поген.
М.ИВАНОВА
