6 июль. Таче ӱпым пӱчкыда гын, тазалыкда начарем кертеш. Ӱпым шемалге тӱсыш чиялтеда гын, тӱрлӧ уда деч утледа.
7 июль. Тиде кечын ӱпым пӱчмылан кӧра тазалыкда лунчырген, шӱм дене нелылык лектын кертеш. Ӱпым натуральный чия дене шемалге тӱсыш чиялтеда гын, чоныштыда ласкалык озаланаш тӱҥалеш.
8 июль. Илышышкыда вашталтышым ынеда пурто гын, таче ӱпым ида пӱч. Ӱпым ойыртемалтше, мутлан, шӧртнялге, тӱсыш чиялтыме еҥ-влак дене кылым саемдаш полша.
9 июль. Ӱпым пӱчмылан кӧра иктаж-мом йомдарен кертыда. Ӱп тӱсым вашталтеда гын, вий-куатда ешаралтеш.
10 июль. Ӱпым пӱчкыда гын, тазалыкда начаремеш. Натуральный гай тӱсыш чиялтыме пашадам саемдаш, кӱлешан кылым ышташ полша.
11 июль. Ӱпым пӱчмылан кӧра психике пужлен кертеш. Чиялтеда гын, пашада удан воранаш тӱҥалеш.
12 июль. Таче ӱпым пӱчкыда гын, тазалыкда пеҥгыдемеш, оксада ешаралтеш. Чиялтеда гын, поро шонымашан, «волгыдо» айдеме-влакым шкендан деке «шупшыда».
Л.КАМАЛЕТДИНОВА
