СПОРТ

Кӱлешлыкшым палемдат

Марий Элыште Туризм арня эрта. Тудым официально Марий кугыжаныш университетын «Точка кипения» рӱдерыштыже почыныт.

 Погынышо-влакым Марий Эл Правительстве председательын икымше алмаштышыже Михаил Васютин, молодёжный политике, спорт да туризм министр Лидия Батюкова саламленыт. Министр республикыште туризм отрасльын вияҥмыж нерген палдарен да ты мероприятийын кӱлешлыкшым палемден. Тушко ӧрдыж гыч толшо спикер, турбизнесын экспертше, практикше, муниципальный образованийла гыч ты пашалан вуйын шогышо специалист, туроператор-влак ушненыт. Программе моткоч поян да тӱрлӧ шӧрынан лийын. Тиде – тӱрлӧ темылан  семинар, тренинг, «йыргешке ӱстел» йыр мутланымаш, верыш лектын, турпродукт, туробъект дене палдарыме вашлиймаш-влак. Мутлан, кокымшо кечын турбизнесын специалистше-влак Йошкар-Оласе да Марий епархийын «Елеон» экскурсий да паломнический службыштыжо, «MariLand» каныме базыште лийыныт, туризм сфер дене кылдалтше законодательствыште вашталтыш-влак дене палыме лийыныт.

С.НОСОВА.

Опубликовать в Одноклассники

Добавить комментарий