22-25 февральыште Марий Элыште илыше, самбо да дзюдо дене спорт мастер Альберт Никишев самбо дене мастар-влак коклаште эртыше Российын чемпионатыштыже вийжым терген. Альберт Михайлович шке тӱшкаштыже икымше верым налын.
– Ты гана таҥасымаште сусыргенам, путырак виян соперник-влак лийыныт. Мыланем тыгай кӱкшытан турнирыш лекташ – шкешотан куан. Мыйым шукын палат, сандене пагалымашым шижым. Адакшым тиде турнир икте-весым ужаш, кутыраш – моткоч сай йєн, – ойла шкеже. – Шке тазалыкым эреак эскерыман. Кызытат физический формым кучаш тыршем, ямдылалтам. Тек самырык тукым таза илыш-йӱлалан кумылаҥыт, а ме нунылан пример лийын кодына, шонем.
Е.Эшкинина
