Эше вараш кодын отыл: 23 августышто Йошкар-Олаште верланыше Бауман лицей 9-ше классым тунем пытарыше-влакым тений 1 сентябрьыште почылтшаш медиаклассышкыже ешарен пога.
«Журналистике да медиа» направлений дене тунемаш кумылан-влакым ты кечын 10.00 шагатлан Бауман лицейыште вучат. Пелен тӱҥ общий образований нерген аттестатым (оригиналжат, копийжат лийшаш улыт), портфолиом (уло гын) налман.
Лицейыште йодмашым возыктат, вара руш йылме дене тестированийым эртарат да эссем аралат.
Йодыш лектын? 8(8362) 45-16-67 номеран телефон дене йыҥгыртен рашемдаш лиеш.
Г.Кожевникова
Авторын фотожо
