Марий Элыште тиде арня тӱҥалтышлан икияшым 131,6 тӱжем гектарыш ӱдымӧ. Тидыже планын 87 процентше лиеш.
Медведево район урлыкашым эн ончыч пӱтынь кумдыкыш веле огыл вераҥден, палемдыме деч кок процентлан шукырак ӱден. Шернур ден Советский район-влак 97 процентыш вераҥденыт, У Торъял район – 93 процентыш. Звенигово, Параньга да Курыкмарий район-влак почеш кодыт, тыште 64 -71 процентыш ӱденыт. Ынде утларакше кукурузо вераҥдаш кодеш.
Пареҥгым 1508 гектарыш шындыме, планым 49 процентлан темыме.
Вячеслав Смоленцевын фотожо
