УВЕР ЙОГЫН

XXI курымын школжо

27 июньышто Марий Элыш Россий президентын Юл кундем федерал округышто полномочный представительже Игорь Комаров паша дене толын. Тудын Волжск олаш миен коштмыж шотышто калыкын шонымашыжым лудаш темлена.   

Татьяна Викторовна Бынина, посна предмет-влакым келгынрак туныктышо Волжск оласе 5-ше №-ан школын директоржо:

– Тыгай кугу уна-шамычым шкенан дене куанен вашлийна, мемнан кызытсе жаплан келшыше 5-ше №-ан школнам кузе чоҥымым кугешнен ончыктышна.

Иктаж 80 ий ожно чоҥымо ончычсо зданий да у школ – тиде кава ден мланде. Тыгайыш шуаш бюджет мыланна шуко миллионаш субсидийым ойырен: тений 63 миллион теҥгем налына, 2020 ийыште эше 170 миллион теҥгем колтат, ты шотыштак – школым кызытсе жаплан келшыше оборудований дене шыҥдараш. Йоча-влаклан шинчымашым погаш пеш сай йӧн ышталтеш.

Тыштыже элнан Президентше Владимир Путинын тӱҥалтышыж почеш ямдылыме «Образований» национальный проектын пайдажым палемдыман. Тиде пашан кӱлешлыкшым кӱкшын аклыман, вет ме кызыт средствам шкенан ончыкылыкышкына, мемнан самырык тукымланна кучылтына.

М.ИВАНОВА

Опубликовать в Одноклассники

Добавить комментарий