Федераций Советыште «Российысе ӱдырамаш-влакын калык вургемышт» калык вургем выставке почылтын.
Экспозицийыште марий ӱдырамаш вургемымат ужаш лиеш. Мероприятийыште Марий Эл Кугыжаныш Погын деч сенатор Сергей Мартынов лийын.
Выставкыш эрвел-славян, тюрк, финн-угор, кавказ, самодий, монгол калык-влакын костюмыштым чумырымо.
Федераций Советын председательже Валентина Матвиенко выставкым ончен лекмыж деч вара кажне вургемыште калыкын историйже палдырна манын каласен. Тидыже элнан этнотӱвыра поянлыкше, ойыртемже нерген ойла. Тыгак Валентина Ивановна выставкысе образец-влакым цифровизироватлаш да ты материалым «Разговоры о важном» уроклаште кучылташ темлен.
Фотом Марий Эл Кугыжаныш Погынын сайтше гыч налме
