2026 ийыште «Оласе кумдыкым йӧнаным ыштымаш» федеральный проект почеш йӱклымаште эн шуко йӱкым погышо объектым тӱзаташ тӱҥалме.
Ӱмаште Йошкар-Олаште илыше-влак Воскресенский проспектым тӱзатымылан 3840 йӱкым пуэныт. Царьград проспект гыч тӱналын Чавайн бульвар марте шуйнышо пашам «Дорожный мастер» ООО подрядный организаций ышта.
Тӱзатыме проект дене келшышын, ты кумдыкышто велосипед корно, лӱҥгалтыш ден теҥгыл-влак, йӧнан каныме вер лийыт. Корно тӱрыштӧ кугу пушеҥге-шамычым шындаш палемдыме. Воскресенский проспектым тӱзатымаште изи архитектур формылаште кундемнан тӱвыражым ончыктышо национальный символ-влакым кучылташ тӱҥалыт.
Тыят кундеметым вашталтен кертат, тидлан йӱклымашке 12 июнь марте pos.gosuslugi.ru/lkp/fkgs/h… ссылке почеш эртен ушно.
Фотом Йошкар-Ола администрацийын воткыл лаштыкше гыч налме.
