Марий Элын ик эн яндар Вончо эҥерже гоч кӱварым уэмдаш тӱҥалыныт.
Тудо «Марий чодра» национальный парк гоч йоген эрта. Пашам «Инфраструктура для жизни» национальный проект кышкарыште шуктат. Кызыт корно специалист-влак тошто конструкцийым рончат, пашам шукташ кумдыкым ямдылат. Вара свайым кыраш, у эҥертышым ышташ да балкым келыштараш тӱҥалыт. Олмыктымо паша кайыме жапыште тиде кумдыкышто автомашина-влакын кудалыштме направленийышт изиш вашталтеш, сандене водитель-влаклан тӱткӧ лийман.
Регион вуйлатыше Юрий Зайцевын ТГ-каналыштыже увертарымыж почеш, у кӱварым 2026 ий ноябрьыште пашаш колтышаш улыт. Республикыште кӱвар-влакым олмыктымо паша 2023 ий гыч вийым налын. Тиде пагытыште 50 тыгай конструкцийым уэмден олмыктымо.
Фотом Юрий Зайцевын ТГ-каналже гыч налме.
