Марий Элыште 15 ноябрь гыч 1 декабрь йотке наркотик ваштареш виктаралтше «Бей в набат!» акций эрта.
Республик кӱкшытан акцийын тӱҥ шонымашыже подростко ден самырык-влакым наркотикын зиянже дене палдарымашке да таза илыш-йӱлам кучаш кумылаҥдымашке виктаралтын.
Тушко регионысо исполнительный кучемын органже-влак, муниципальный образований-шамычын администрацийлашт, шинчымашым пуымо организаций, мер ушем да тиде йодыш дене пашам ыштыше структур-влак ушненыт.
Акцийын кышкарышкыже увертарыме да сотемдарыме шотан мероприятий, семинар, вебинар, вашлиймаш, йыргешке ӱстел, теме дене кылдалтше шагат, мутланымаш, лекций-влакым пуртымо. Тушко нарколог, Марий Элысе МВД-н наркоконтроль виктемжын, прокуратурын, социальный аралымаш службын, мер организаций ден религий конфессийлан еҥыштым ӱжмӧ. Тыгак наркотик ваштареш виктаралтше да таза илыш-йӱлам кучаш кумылаҥдыше видеофильмым ончаш да каҥашаш палемдыме. Конкурс, конференций, форум, тренинг, акцийын темыж дене кылдалтше мастер-класс, квиз, квест, интернетысе воткыллаште викторине-влакат оҥай да пайдале лийшаш улыт.
Маргарита ИВАНОВА
