Тӱвыра, савыктыш да калык-влакын пашашт шотышто министерствын 70 ияш лӱмгечыжлан «Путь к вершинам мастерства» альбом сынан книгам савыктен луктыныт. Тудым марла да рушла возымо.
Книгаште министерствын эртен толмо корныжо, тӱрлӧ ийыште вуйлатыше-влак да кызытат тӱвыранам вияҥден да арален кодышо-влак нерген материалым муаш лиеш. Савыктышым архив документ, фотокартычке-влак дене сайын сӧрастарыме.
«Путь к вершинам мастерства» – тыгай сынан проектым икымше гана илышыш шыҥдарыме паша опытем, – тыге возен шке соцсеть лаштыкыштыже министрын полышкалышыже Николай Любимов.
А.БАЙКОВА
Н.Любимовын фотожо
