Марий Эл Образований да науко министр Лариса Ревуцкая паша дене Беларусь республикыште лийын.
Тушто тудо Минск горисполкомын обраований шотышто комитетшын председательже Марина Ильина дене вашлийын. Нуно талантан тунемше-влакын моштымашыштым вияҥдыме, инклюзив образований, йоча каныш да моло йодыш дене вашкылым ыштен пашам ыштыме шотышто каҥашеныт.
Лариса Анатольевна тыгак Минск кугыжаныш автомеханический колледж ден Мода индустрий дене Минск кугыжаныш колледжын туныктымо системышт дене палыме лийын.
Республикысе профессионал образований институтын ректоржо Валерий Голубовский дене паша вашлиймаште вашкылым вияндыме шотышто мутланеныт, а тиде вашкылже ынде лу утла ий шуйна.
Г.Кожевникова
Фотом Марий Эл Образований да науко министерствын сайтше гыч налме
