«2023 ийысе лектыш почеш Российын эн сай турист-увер рӱдерже» VII всероссийский конкурсышто Йошкар-Оласе турист-увер рӱдер эн сай тоштер-рӱдер семын палемдалтын.
Иктешлымашым Новосибирскыште эртыше Унам вашлийме да туризм форумышто ыштеныт. Тыгай рӱдерже кугу элнан кажне регионыштыжо да олаште уло. Кажныштыже ты але вес илемыште канаш лийме нерген уверым пален налаш, экскурсийым заказатлаш, моло оҥайым пален налаш лшиеш. Йошкар-Оласе турист-увер рӱдер чыла тиде пашам сайын шукта. Тушто ыштыше специалист-влак тӱрлӧ проектым возат, грант-влакым сеҥен налыт да марий рӱдоланам турист-влакын кумылыштым налше илемыш савыраш полшат. Рӱдер Йошкар-Оласе историй тоштерын оралтыштыже верланен.
С.Носова
