И.С.Палантай лӱмеш тӱвыра да сымыктыш колледж пелен почылтшо Креатив индустрий школ 2024-2026 ийлан тунемше-влакым пога.
Ушештарена, тушко 12-17 ияш ӱдыр-рвезе-влак тунемаш пурен кертыт. Тидлан шке нерген роликым ямдылен колташ да йодмашым пуаш кӱлеш.
Школышто кок ий тунемман. Икымше ийыште креатив технологий студий-влак дене палдарат, а кокымшышто тунемше тудлан келшыше направленийым ойыра да моштымашыжым вияҥда. Лач кокымшо ийын йоча-шамыч креатив индустрий областьыште проектыштым илышыш пуртат, усталык конкурслаш ушнат, портфолиом погат да ончыкыжым ты направлений денак тунемаш пураш ямдылалтыт. Таче кечылан школышто нуно тыгай улыт: «Дизайн», «Анимаций», «Цифр интерактивный технологий (VR/AR)», «Фотографий», «Видеопроизводство», «Йӱкорежиссур да кызытсе электрон музык».
Г.Кожевникова
М.Скобелевын фотожо
