Гидрометеорологий да йырым-йырысе средам мониторитлыше марий рӱдерын увертарымыж почеш, 29 май-3 июньышто республикысе чодыра пожар ылыж кертме 4 классан лӱдыкшӧ лиеш.
Россий МЧС-н Марий Элыште Тӱҥ управленийже тул ылыж кертме шотышто тӱткӧ лияш йодеш. Сад ден даче участкылаште, чодыра воктене шӱкшакым йӱлалташ, тулотым ылыжташ чаралтеш. Тамак пундашым шала кышкыман огыл. Шке деч вара чодыра аланыште янда атым, моло торым, тыгак бензин, керосин дене нӧртымӧ материалым кодыман огыл.
Тул ылыжмым шекланенда гын, пожарный ден утарыше-влакын службышкышт 01 але 112 номерыш йыҥгыртыман. МЧС-ын республикысе управленийштыже «Ӱшан телефонын» номерже тыгай – 8(8362) 69-02-63
Авторын фотожо
