10 апрельыште Йошкар Ола гыч Яранск марте поезд кошташ тӱҥалеш.
Кеҥеж жаплан тудым «Содружество» пригородный пассажир компаний пашаш колта. Арнялан кум гана – кугарнян, шуматкечын да рушарнян – тудо курсироватлаш тӱҥалеш. 13 остановкышто шогалеш. Йошкар-Ола гыч 17 шагатат коло минутлан лектеш гын, мӧҥгеш 4 шагатат 25 минутлан тарвана. Тидын нерген «Внешний транспорт Марий Эл» паблик увертара.
