Москваште Марий Эл правительстве председательын алмаштышыже Ольга Бадма-Халгаева, образований да науко министр Лариса Ревуцкая Россий Просвещений министерствын инфраструктур вияҥме департаментшын директоржо Ирина Шварцман дене паша вашлиймаште лийыныт.
Нуно республикыштына у школым чоҥымо, образованийын школ системыжым уэмден вияҥдыме дене кылдалтше йодышлам каҥашеныт.
Марий Элым вуйлатыше Юрий Зайцев тунемме верлам олмыктымо пашам чыла вере тений 1 гыч 15 август марте мучашлаш задачым шынден. Кызытлан контрактым подряд организаций-влак 70-95 процентлан шуктеныт. Вашлиймаште тыгак регионыштына «Профессионалитет» федерал программым илыш пуртымо нерген ойленыт. Лариса Ревуцкаян палемдымыж почеш, тиде проект республикын экономикыжым вияҥдаш да профессионал образованийын качествыжым саемдаш моткоч кӱлешан.
Г.Кожевникова
Фотом интернет гыч налме
