21 майыште Нижний Новгородышто Россий Правительствын Председательже Михаил Мишустин «Цифровая индустрия промышленной России» пленарный заседанийын пашашкыже ушнен.
Мерприятийыште тыгак Россий Правительстве Председательын икымше алмаштышыже Д.Мантуров, РФ Правительстве Председательын алмаштышыже-влак Д.Григоренко, Д.Чернышенко, Россий Промышленность ден торговльо министр А.Алиханов, Цифр вияҥмаш, кыл да тӱшка коммуникаций министр М.Шадаев, Юл кундем федеральный округышто РФ президентын полномочный представительже И.Комаров, Нижегородский областьын губернаторжо Г.Никитин, молат лийыныт. Марий Эл вуйлатыше Ю.Зайцеват тиде мероприятийыш ушнен.
Тений пленарный сессийын тӱҥ темыже – «Технологическая независимость промышленной России».
Мероприятий тӱҥалме деч ончыч уна-влак ончерын стендлаштыже ончыктымо эн сай технологий да разработкыла дене палыме лийыныт.
Тушто VOLGA легковой автомобильым ужаш лийын. Тиде автомашинам производствыш тений лукташ шонат. Тылеч посна делегаций «Росатом» госкорпорацийын, «КамАЗ» ПАО-н стендшым, «РЖД» ОАО-н, «Газпром нефть» ПАО-н площадкылашкышт, моло вереат миен.
Уна-влакым промышленность процессым цифровизироватлыме у проект-влак дене палдареныт. Нуныжым келшен пашам ыштыше элла гыч компаний-влак илышыш шыҥдарат.
Beijin Tech китай компаний у телекоммуникаций аппаратур да чоҥымашым виктарыме, цифровой инфраструктурым обслуживатлыме шотышто интеллектуал системыла дене палдарен. Делегаций тыгак Белоруссийын да Иранын пырля ямдылыме площадкышкыже миен.
М.Мишустин конференцийын участникше-влаклан салам мутым ойлен да Российын президентше В.Путин элнан вияҥме у цельжым пеҥгыдемден манын ушештарыш. Нунын кокла гыч иктыже – кугыжанышын, экономикын да социальный сферын цифровой трансформацийже. Тидым шукырак данныйым, искусственный интеллектым, интернетым кучылтын ышташ лиеш.
Пленарный заседанийыште бизнес процессым цифровизироватлыме, промышленностьын цифровой суверенитетше йодышла дене кылдалтше пашан лектышыж нерген ик эн кугу россий компаний-влакын вуйлатышышт каласкаленыт.
«Юл кундем федерал округышто цифровой технологийым производство ден энергетикыште автоматизироватлыме управлений системыш пуртат, шкенан программный обеспеченийым ямдылат, искусственный интеллектым вияҥдат. Цифровой трансформацийым кӱлеш сферыш шыҥдараш «Цифровой экономике» нацпроектыш пурышо «Экономика данных и цифровая трансформация государства» нацпроект полша. Россий президентын шогалтыме у задачыже-влакым шотыш налын, ПФО-што инноваций кластер-шамыч чолган вияҥыт да кадр вий ешаралтеш», – каласен Игорь Комаров.
Марий Эл вуйлатышын пресс-службыжын уверже негызеш Л.ШАБДАРОВА ямдылен.
