Республикысе Марий Юмыйӱла ушемын тӱҥ онаеҥже Александр Таныгинын У ий дене саламлымашыже:
– О поро дене волгалт толын шогышо Ош Сандалык Кугу Юмына! Ужар шаган капет дене, марий калыкын ӱстембал чесше дене, вуйнам савена эртен кайыше идалыклан.
О поро дене толын шого, мемнан Кӱсына! Марий калыкым поро пӱрымаш дене кучен шого!
О поро дене толын шого, Мер Кугу Юмына! Йӱла дене йӱла, тӱс ден тӱс, йылме ден йылме коклаште пуэн шогыза поро каҥашым. Иза-шольо, ака-шӱжар, тулар ден тулаче-влак, у идалыкыште еш кышкарда тӱлен, тӱзланен шогыжо. Сурт-печыда уэмдалытын нӧлталт шогыжо. Ӱстембал кӧргыда кинде-шинчал дене пӱргалт шогыжо. Кум тӱрлӧ вольыкда тендам эре куандарен шогышт. Мӱкш отарда шем пылгай нӧлталт шогыжо, мӱй клатда саска пуш дене ӱпшалт шогыжо. У ий дене! У идалык да у пиал дене! Эсен лийза!
М.Скобелевын фотожо
