УВЕР ЙОГЫН

Тыршымыштлан кӧра илыш ласка

12 январьыште Россий Федерацийын прокуратуржын пашаеҥже-влакын кечышт палемдалтын.

Россий прокуратурлан 303 ий теммылан пӧлеклалтше торжественный мероприятийыште Марий Эл вуйлатыше Юрий Зайцев лийын.

– Прокуратур пашаеҥ-влак кажне  кечын кугу профессионал кӱкшытыштӧ тыглай огыл кугыжаныш службышто тыршат да законностьым шуктымым эскерат, еҥ-влакын интересыштым, праваштым да эрыкыштым аралат. Республикысе прокуратурын Марий Элысе кугыжаныш кучем дене ваш келшен пашам ыштымыж дене регионышто илыш ласка. Ӱмаште гына республикын прокуратуржо 9 тӱжем утла еҥын праважым арален да пӧртылтен, – каласен Марий Эл вуйлатыше.

Прокуратур орган-влакын пашаеҥыштлан да ветераныштлан Юрий Зайцев пеҥгыде тазалыкым, пиалан илышым, у профессионал кӱкшытым тыланен да икмыняр еҥлан наградым кучыктен.

Марий Элын прокуроржо Илдус Нафиков шке выступленийыштыже палемден: ведомствын пашаеҥже-влак неле да ответственностьым йодшо пашам сайын шуктат, закон-влакым шотыш налмым кӱлеш семын эскерат.

Прокуратур пашаеҥ ден ветеран-влакым Марий Эл Кугыжаныш Погын председатель Михаил Васютин, Тӱҥ федеральный инспектор Сергей Беляков, исполнительный кучемын федеральный органже-влакын территориальный структурышт-влакын вуйлатышышт саламленыт.

Марий Эл Республикым вуйлатышын пресс-службыжын уверже негызеш Любовь Камалетдинова ямдылен

Опубликовать в Одноклассники

Добавить комментарий