9 сентябрь гыч Марий Элыште турнявӧчыжым погаш тӱҥалаш лиеш.
Тидын шотышто 30 августышто Марий Эл правительствын «2023 ийыште турнявӧчыж емыжым ямдылаш тӱҥалаш лийме срокым палемдыме нерген» пунчалже лектын.
Марий Элын Пӱртӱс поянлык, экологий да йырым-йырысе средам аралыме шотышто министерствыжын специалистше-влакын шижтарымышт почеш, емыжым, кушкылжым локтылде, тудо угыч кушкын да вияҥын кертше манын гына погаш лиеш. Ты правилым шуктыдымылан чодыра емыжым погышо-влакым Административный правам пудыртымаш кодекс дене келшышын мут кучаш шогалтен кертыт. Законым пудыртышо-влакын категорийыштым шотыш налын, штрафын кугытшо 200 гыч ик тӱжем теҥге марте лиеш.
С.Носова
