Тений шыжым турнявӧчыжым Марий Элыште 14 сентябрь гыч погаш тӱҥалаш лиеш.
Марий Эл Республикын 2007 ий 31 майыште лукмо «Чодыра отношений шотышто Марий Элын полномочийжым шуктымо нерген» законышкыжо тений 12 июльышто вашталтышым пуртымо. Тушто палемдыме почеш, турнявӧчыжым 14 сентябрь гыч декабрь марте погаш лиеш.
Марий Элын Пӱртӱс поянлык, экологий да йырым-йырысе средам аралыме шотышто министерствыже ушештара, кушкыл ончыкыжымат емыжым пуэн кертше манын, тудым эскерен погыман.
Турнявӧчыжым погымо правилым пудыртымылан граждан-влакым административно мут кучаш шогалтат. Тидлан 200 гыч 10 тӱжем теҥге марте штрафым тӱлаш пуэн кертыт.
Светлана Носова
Г.Богдановын фотожо.
