Республикыштына илыше шагал огыл еҥ кызытсе тÿнямбал ситуаций шотышто утыжденат тургыжлана да ончыкылык деч лÿдеш. Тидыже психологийым локтылын, тыгак тазалыкым лунчыртен кертеш.
Психологический полышын кÿлмыжым шижыда гын, 8 (8362) 21-10-40 номеран телефон дене 8 гыч 17 шагат марте йыҥгыртен, тургыжландарыше йодышдам рашемден, келшыше консультацийым налын сеҥеда. «Доверие» рÿдерын практиковатлыше психологшо лÿдмö, тургыжланыме да уда шонымаш деч утлаш полша, увертара Марий Элын Калык илышым саемдыме шотышто министерствыже.
А Донецк да Луганск калык республикла гыч толшо-шамыч чыла консультацийым «шокшо линийын» 122 (ешартыш 8) да ик диспетчер службын 8 (8362) 21-00-89 номеран телефонышт дене сутка мучко налын кертыт.
М.ИВАНОВА
